शितगंगा नगरपालिका ९ सिलुङ्गखाेला
अर्घाखाँचीडट्कम संवाददाता
सिद्धारा, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर ९ सिद्धाराको थारगट स्थित रङसिङ खोलामा करेन्ट लगाएर माछा मार्ने क्रममा एक बालकको मृत्यु भएको छ ।
सिद्धाराको थारगटका छविलाल पुनका १२ वर्षिय छोरा मिनबहादुर पुनको आफ्नै घर नजिकको रङसिङ खोलामा विधुतको मेन तारमा तार अडकाई माछा मार्ने क्रममा करेन्ट लागेर मृत्यु भएको हो ।
बालकले आइतवार साँझ ७:३० बजे तिर रङसिङ खोलामा विधुतको मेन तारमा तार अडकाई माछा मार्ने क्रममा उक्त घटना भएको ईलाका प्रहरी कार्यालय ठाडाले अर्घाखाँचीडट्कमलाई बताएको छ ।
ईलाका प्रहरी कार्यालय ठाडाले घटनाको अनुसन्धान भईरहेको बताएको छ ।
आषाढ़ २९ गते, २०७७ मा प्रकाशित
