नेपालमा कोरोना भाइरस संक्रमितको संख्या १६ हजार ९ सय ४५ पुगेको छ ।
पछिल्लो २४ घण्टामा एक सय ४४ जना नयाँ संक्रमित थपिएसंगै जम्मा संक्रमित १६ हजार ९ सय ४५ पुगेको स्वास्थ्य तथा जनसंख्या मन्त्रालयका प्रवक्ता डा. जागेश्वोर गौतमले बताउनुभयो ।
पछिल्लो २४ घण्टामा एक हजार ७ सय ५ जना कोरोना जितेर डिस्चार्ज भएको प्रवक्ता गौतमले बताउनु भयो ।
यो अहिलेसम्मकै बढी हो । हालसम्म कोरोनाबाट निको हुनेको संख्या १० हजार २ सय ९४ पुगेको मन्त्रालयले जनाएको छ । निको हुनेहरु ६० दशमलव ७ प्रतिशत हुन् ।
पछिल्लो २४ घण्टामा ५ हजार ८ सय ५६ जनाको पीसीआर परीक्षण भएको छ ।
हाल २३ हजार ४ सय ७० जना क्वारेन्टिनमा बसेका छन् ।
त्यस्तै ६ हजार ६ सय १३ जना आइसोलेसनमा रहेका छन् ।
अहिलेसम्म कोरोनाबाट ३८ जनाको मृत्यु भएको छ । इमेजखबरमा समाचार छ ।
आषाढ़ २९ गते, २०७७ मा प्रकाशित
