काठमाडौं । लगातारको वर्षापछिको पहिरोले सडक बगाउँदा नारायणगढ–मुग्लिन सडकखण्ड प्रभावित भएको छ ।
भरतपुर–२९ सत्रकिलोमा पहिरो जाँदा सडक बगाएपछि सवारी साधनहरु एक तर्फीरुपले सन्चालन आईरहेका छन् ।
सोमबार बिहान भासिएको सडक दिउँसोबाट दुईतर्फी सन्चालनमा आएपनि गएरातिबाट फेरी सोही ठाउँमा ग्राभेल गरेको सडक पानीले बगाएपछि समस्या भएको हो ।
अविरल वर्षाको साँढे एक फिट पिच सडक भासिएको थियो । नारायणगढ–मुग्लिन सडकखण्डका विभिन्न तीन ठाउँमा यसअघि भासिएको सडक अहिलेसम्म पुर्णरुपमा बन्न सकेको छैन ।
यो सडकखण्डमा बर्षेनी पहिरो जाने र सडक भासिने गरेकाले सवारी साधन सञ्चालमा कठिनाई हुने गरेको छ । इमेजखबरमा समाचार छ ।
आषाढ़ ३० गते, २०७७ मा प्रकाशित
