अर्घाखाँचीडट्कम संवाददाता
नरपानी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ६ नरपानीबाट एक महिला बेपत्ता भएकी छिन् ।
नरपानीकी २८ वर्षिया अविवाहित पुष्पा महत्रा गत साउन ३ गते शनिबार बिहान करिब ८ बजेदेखि बेपत्ता भएकी हुन् ।
सुस्त मनस्थिति व्यबहार देखाउने, आफ्नो घर ठेगाना भन्न नसक्ने, फिता चप्पल, कुर्ता र रातो सुरुवाल लगाएकी, कालो झोला बोकेकी पुष्पा दिदिको घर जान्छु भनेर हिंडेकी थिईन् ।
परिवारले अर्घाखाँचीडट्कमलाई जानकारी गराए अनुसार शनिबार बिहान पुष्पा नरपानी बजारसम्म पुगेपनि दिदिको घरमा पनि नगएको र त्यसपछि कहाँ गईन् थाहा हुन सकेको छैन् ।
परिवारले खोजिदिन प्रहरी कार्यालय, सर्वसाधारण सबैलाई अनुरोध गरेको छ । कसैले फेला पारेमा नजिकको प्रहरी कार्यालय, जिल्ला प्रहरी कार्यालय अर्घाखाँचीको सम्पर्क नं. ०७७-४२०१९९ वा ९७५७०६१२१२, ९८६७३३००५०, ९८४७०६२८२१ र ९८६७२६५३४३ सम्पर्क गरि जानकारी गराउन सकिने छ ।
श्रावण ६ गते, २०७७ मा प्रकाशित
