काठमाडाैँ– नेपालमा मंगलबार थप १५० जनामा काेराेना भाइरसकाे संक्रमण पुष्टि भएकाे छ। यससँगै काेराेना संक्रमितको कुल संख्या १७ हजार ९ सय ९४ पुगेकाे छ।
स्वास्थ्य तथा जनसंख्या मन्त्रालयकाे नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गाैतमले पछिल्लो २४ घण्टामा ६०९ जना कोरोना संक्रमित डिस्चार्ज भएको जानकारी दिए। यससँगै डिस्चार्ज हुनेहरुको संख्या १२ हजार ४ सय ७७ पुगेको छ।
स्वास्थ्य मन्त्रालयका अनुसार पछिल्लो २४ घण्टामा ३ हजार ९ सय ६३ जनाकाे पीसीआर परीक्षण गरिएकाे छ। मंगलबारसम्म देशभरका क्वारेन्टिनमा २१ हजार ७ सय ४ जना रहेकाे स्वास्थ्य मन्त्रालयले जनाएकाे छ। देशसन्चारमा समाचार छ ।
श्रावण ६ गते, २०७७ मा प्रकाशित
