अर्घाखाँचीडट्कम संवाददाता
पाणिनी, अर्घाखाँची (अर्घाखाँचीडट्कम) । अर्घाखाँची जिल्लाका पाणिनी गाउँपालिकाका संक्रमित सबैले कोरोना जितेर घर फर्केका छन् ।
पाणिनी गाउँपालिकाका १४ जना संक्रमित सबैले कोरोना जितेर घर फर्केका हुन् । भने यस गाउँपालिकाका सबै क्वारेन्टाईन खाली भएका छन् । योसँगै पाणिनी गाउँपालिका पूर्ण रुपमा कोरोना मुक्त भएका छ ।
यस्तै जिल्लामा साउन महिना लागेयता कोरोना संक्रमण दर न्यून रहेको पाइएको छ ।
जिल्लामा असार ३० गते थप ३ जना थपिएता पनि त्यसपछि साउन महिना लागेयता कोरोना संक्रमण दर न्यून रहेको पाइएको हो ।
यसैविच अर्घाखाँचीमा बिहीवारसम्म ३२० जनाले कोरोना जितेर घर फर्केका छन् । भने २ जना उपचाररत छन् ।
जसमा सन्धिखर्क नगरपालिकामा ४३ जना, शितगंगा नगरपालिकामा ६४, भूमिकास्थान नगरपालिकामा १०५, मालारानीमा ६७, पाणिनी गाउँपालिकामा १४ र छत्रदेव गाउँपालिकामा २७ जना गरि हाल सम्म ३२० जनाले कोरोनालाई जितेका हुन् ।
अर्घाखाँचीमा संक्रमितको संख्या ३ सय २५ पुगेको छ । जसमा सन्धिखर्क नगरपालिकामा ४३ जना, शितगंगा नगरपालिकामा ६३, भूमिकास्थान नगरपालिकामा १०७, मालारानीमा ६८, पाणिनी गाउँपालिकामा १४ र छत्रदेव गाउँपालिकामा २७ जना गरि अर्घाखाँचीमा हाल सम्म ३२५ जना संक्रमित रहेका छन् ।
यसैविच अर्घाखाँचीमा बिहीवारसम्म २ सय ८१ जना बिभिन्न क्वारेन्टाईनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेकोमा अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले २ सय ८१ मा झरेको हो । यस्तै जिल्लाका बिभिन्न क्वारेन्टाईनबाट ३० जना डिस्चार्ज भएका छन् ।
यस्तै बिहीवार दिउँसो ३ बजेसम्ममा २४ घण्टामा १ जना बिभिन्न क्वारेन्टाईनमा भित्रिएका छन् । अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टाईन स्थापना गरि भारत लगायतका ठाउँबाट आएकाहरुलाई क्वारेन्टाईनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
बिहीवारसम्म जिल्लाका बिभिन्न स्थानका आईसोलेशनमा २ जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
श्रावण ८ गते, २०७७ मा प्रकाशित
