नेपालमा कोरोनाभाइरसको संक्रमण दर फेरि बढेको छ ।
‘लकडाउन’ खोलिएसँगै दैनिक संक्रमितको संख्या फेरि बढ्न थालेको हो ।
नेपालमा अहिलेसम्म कोरोनाबाट मृत्यु हुनेको संख्या ४९ पुगेको छ ।
देशभर कोरोना संक्रमितको संख्या १९ हजार २७३ पुगेको छ ।
पछिल्लो २४ घन्टामा २१० जनामा संक्रमण पुष्टि भएसँगै जम्मा संक्रमितको संख्या १९ हजार २७३ पुगेको बुधबार स्वास्थ्य तथा जनसंख्या मन्त्रालयका प्रवक्ता डा. जागेश्वोर गौतमले बताउनुभयो ।
हाल पाँच हजार २०२ जना सक्रिय संक्रमित रहेका छन् ।
पछिल्लो २४ घन्टामा १४६ जना संक्रमित निको भएर घर फर्केका छन् । अहिलेसम्म जम्मा १४ हजार २१ जना ‘डिस्चार्ज’ भएर घर फर्केको मन्त्रालयले जनाएको छ ।
पछिल्लो २४ घन्टामा छ हजार ३७ जनाको ‘पीसीआर’ परीक्षण भएको छ ।
देशभर हाल १४ हजार ४७१ जना ‘क्वारेन्टिन’मा रहेका छन् । हाल पाँच हजार २०३ जना ‘आइसोलेसन’मा रहेका छन् । इमेजखबरमा समाचार छ ।
श्रावण १४ गते, २०७७ मा प्रकाशित
