लक्ष्मण खनाल
खन, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिका वार्ड न. ४ खनको उपल्लाबडाचौर चौडिलामा जालकाडा परिवर्तनशिल युवा संजालको सक्रियतामा सुपा मन्दिरको घडेरी खन्ने कार्य सम्पन्न भएको छ ।
जालकाडा परिवर्तनशिल युवा संजालको सक्रियतामा खनको उपल्लाबडाचौर चौडिलामा रहेको सुपा मन्दिरको घडेरी खन्ने कार्य सम्पन्न भएको हो । उक्त घडेरी खन्ने कार्यक्रमको लक्ष्मण खनालको संयोजकत्वमा सम्पन्न भएको थियो ।
यस्तै जालकाडा परिवर्तनशिल युवा संजालले खन उपल्लाबडाचौर फेङगालापोखरिमा रहेका ३ पोखरी मर्मत सम्भार गरेको छ । उत्त कार्य श्याम खनालको संयोजकत्वमा संचालन भएको थियो । उक्त कार्यक्रममा युबा संजालका अध्यक्ष केशब खनालले गाउँ समाजको बिकासको लागि युबावर्गहरु अग्र पङतिमा रहि काम गर्नुपर्ने बताउनुभयो ।
श्रावण २३ गते, २०७७ मा प्रकाशित
