अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लामा पछिल्लो समय बसहरुका ब्याट्री चोरी गर्ने समुह सक्रिय रहेको छ ।
यस्तै सन्धिखर्क बसपार्कमा पार्कइङ गरेका बसहरुका ब्याट्री चोरी गर्ने समुह सक्रिय रहेको हो ।
पश्चिम नेपाल बस व्यवसायि प्रा.लि.बाट सञ्चालित अर्घाखाँची-काठमाडौँ चल्ने लु १ ख ७२१६ नम्बरको गाडिबाट १३० भोल्टेजको ब्याट्री चोरी भएको छ ।
लकडाउनका कारण ठप्प भएका बसहरुको मौका पारी उक्त ब्याट्री चोरी भएको गाडी धनी बाबुराम बन्जाडेले बताउनु भयो । साथै गत साउन-६ गते सम्म सो ब्याट्री बसमै रहेको तर हिजो अर्थात साउन ३२ गते गाडी स्टार्ट गर्न खोज्दा ब्याट्री नभएको थाहा भएको उहाँले बताउनुभयो ।
बन्जाडेले चोरी उजुरी सहितको निवेदन जिल्ला प्रशासन कार्यालय, अर्घाखाँचीलाई पेस गर्नुभएकोमा प्रशासन कार्यालयले उक्त घटनाको गम्भीर ध्यानाकर्षण भएको र चोरीमा संलग्न भएका व्यक्ति वा समूहलाई कानुनी कारवाही गरिने बताएको छ ।
भाद्र २ गते, २०७७ मा प्रकाशित
