अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा कोरोना संक्रमण समुदाय स्तरमा फैलिएको आशंका गरिएको छ ।
हिजो शुक्रबार शितगंगा नगरपालिकामा काेराेना संक्रमणको पुष्टि भएको छ । १५ दिन अगाडि भएकाे ट्रिपर दुर्घट्नाका घाईते चालकलाई काेराना संक्रमणको पुष्टि भएकाे हो । उनको पिसिआर भैरहवामा शुक्रबार पोजिटिभ आएको हो । यो सँगै अर्घाखाँचीमा संक्रमितको संख्या ३३१ जना पुगेको छ ।
गत साउन २७ गरे मंगलबार सन्धिखर्क नगरपालिका वार्ड नम्बर ६ नरपानीको जगतमा टिप्पर दुर्घट्ना भएको थियो ।
अर्घाखाँचीमा संक्रमितको संख्या ३ सय ३१ पुगेको छ । जसमा सन्धिखर्क नगरपालिकामा ४४ जना, शितगंगा नगरपालिकामा ६७, भूमिकास्थान नगरपालिकामा १०९, मालारानीमा ६८, पाणिनी गाउँपालिकामा १४ र छत्रदेव गाउँपालिकामा २८ जना गरि अर्घाखाँचीमा हालसम्म ३३१ जना संक्रमित रहेका छन् ।
यसअघि अर्घाखाँचीमा शुक्रबारसम्म ३२४ जनाले कोरोना जितेर घर फर्केका छन् । भने २ जना उपचाररत छन् ।
जसमा सन्धिखर्क नगरपालिकामा ४४ जना, शितगंगा नगरपालिकामा ६५, भूमिकास्थान नगरपालिकामा १०६, मालारानीमा ६७, पाणिनी गाउँपालिकामा १४ र छत्रदेव गाउँपालिकामा २८ जना गरि हाल सम्म ३२४ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ४ जनाको निधन भएको छ ।
यसैविच अर्घाखाँचीमा शुक्रबारसम्म १६८ जना बिभिन्न क्वारेन्टिनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेकोमा अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले १६८ मा झरेको हो । यस्तै जिल्लाका बिभिन्न क्वारेन्टाईनबाट २४ घण्टामा ३ जना डिस्चार्ज भएका छन् ।
यस्तै शुक्रबार दिउँसो ३ बजेसम्ममा २४ घण्टामा ० जना बिभिन्न क्वारेन्टिनमा भित्रिएका छन् । अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टिन स्थापना गरि भारत लगायतका ठाउँबाट आएकाहरुलाई क्वारेन्टिनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
शुक्रबारसम्म जिल्लाका बिभिन्न स्थानका आईसोलेशनमा ३ जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
भाद्र ६ गते, २०७७ मा प्रकाशित
