अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा कोरोना संक्रमण समुदाय स्तरमा फैलिएको आशंका गरिएको छ ।
अर्घाखाँची जिल्लामा एक कार्यालय प्रमुख, एक पत्रकार, २ जना स्वास्थकर्मी सहित १२ जनामा काेराेना पाेजेटिभ देखिएकाे छ ।
जसमा सन्धिखर्क नगरपालिकामा ६ जना, भुमिकास्थान नगरपालिकामा ४ जना र मालारानी गाउँपालिकाका २ जनामा गरी १२ जनामा काेराेना संक्रमित देखिएको हो । आज थपिएका १२ जनासंगै सक्रिय संक्रमित संख्या १६ पुगेको छ ।
साथै कोरोना पुष्टि भएका केही क्वारेन्टाईनका र केही समुदायमा रहेका ब्यक्ति रहेको बताईएको छ ।
यस्तै प्रादेशिक प्रयोगशाला भैरहवाबाट आईतबार बिहान ११ बजे आएको रिपोर्ट अनुसार जनस्वास्थ कार्यालय अर्घाखाँचीमा कार्यरत २ जना स्वास्थकर्मी, एक कार्यालय प्रमुख, एक पत्रकार सहित १२ जनाको पिसिआर रिपोर्ट पोजेटिभ आएको छ । आज थपिएका १२ जनासंगै सक्रिय संक्रमित संख्या १६ पुगेको छ ।
यस्तै अर्घाखाँचीमा शनिबारसम्म ३२४ जनाले कोरोना जितेर घर फर्केका छन् । भने ४ जना उपचाररत छन् ।
जसमा सन्धिखर्क नगरपालिकामा ४४ जना, शितगंगा नगरपालिकामा ६५, भूमिकास्थान नगरपालिकामा १०६, मालारानीमा ६७, पाणिनी गाउँपालिकामा १४ र छत्रदेव गाउँपालिकामा २८ जना गरि हाल सम्म ३२४ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ३ जनाको निधन भएको छ ।
यसैविच अर्घाखाँचीमा शनिबारसम्म १२२ जना बिभिन्न क्वारेन्टिनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेको थियो भने अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले १२२ मा झरेको हो । यस्तै जिल्लाका बिभिन्न क्वारेन्टाईनबाट २४ घण्टामा ४३ जना डिस्चार्ज भएका छन् ।
यस्तै शनिबार दिउँसो ३ बजेसम्ममा २४ घण्टामा ० जना बिभिन्न क्वारेन्टिनमा भित्रिएका छन् । अर्घाखाँचीका ६ वटा स्थानिय सरकारले २ सय ४३ स्थानमा ५ हजार १ सय ३ वटा बेड सहितको क्वारेन्टिन स्थापना गरि भारत लगायतका ठाउँबाट आएकाहरुलाई क्वारेन्टिनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
शनिबारसम्म जिल्लाका बिभिन्न स्थानका आईसोलेशनमा ४ जना संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
भाद्र ७ गते, २०७७ मा प्रकाशित
