माधव खनाल
ढाकावाङ, अर्घाखाँची २१ भाद्र । अर्घाखाँची जिल्ला भुमिकास्थान नगरपालिका वार्ड न १ ढाकावाङको कुसुम्मारेका नेपाल कम्युनिस्ट पार्टी नेकपाका पुराना नेता तथा सामाजिक ब्यक्तित्व मोहन खनालको निधन भएको छ ।
खनालको शनिबार राति ६५ वर्षको उमेरमा आफ्नै् निवासमा निधन भएको हो ।
सानै उमेरदेखि कम्युनिस्ट पार्टीमा रहदै आउनुभएका खनाल हाल नेपाल कम्युनिस्ट पार्टी नेकपा भुमिकास्थान नगरपालिका वार्ड न १ का सस्थापकको रुपमा चिनिनु हुन्थ्यो । केही समय अघिदेखि मृगौलाको रोगबाट ग्रसित खनालको निधनले गर्दा नेपाल कम्युनिस्ट पार्टी नेकपा भुमिकास्थान नगरपालिका वार्ड न १ वडा कमिटी स्तप्ध भएको नेपाल कम्युनिस्ट पार्टी नेकपाका वडा अध्यक्ष बाबुराम खनालले बताउनुभयो ।
यस्तै सनिवार निधन हुनुभएका खनालको आज स्थानीय घाटमा अन्तेष्टी गरिएको छ । अन्तेष्टी गरिनु पहिले नेपाल कम्युनिस्ट पार्टी नेकपाका जिल्ला सदस्य द्वय रुद्र खनाल र सुवासचन्द्र बन्जाडेले उहाँको पार्थिक सरिरमा पार्टीको झण्डा ओढाइ श्रद्धाञ्जली दिनुभएको थियो ।
श्रद्धाञ्जली कार्यक्रममा नेपाल कम्युनिस्ट पार्टी नेकपाका जिल्ला सदस्यहरु रुद्र खनाल सुवासचन्द्र बन्जाडे लगायतले शोक मन्तव्य राख्दै खनालको निधनले गर्दा नेपाल कम्युनिस्ट पार्टी नेकपा भुमिकास्थान नगरपालिकाले एक कुसल अभिभावक गुमाएकोमा दुखित भएको बताउनुभयो ।
यस्तै श्रद्धाञ्जली कार्यक्रममा नेपाल कम्युनिस्ट पार्टी नेकपा भुमिकास्थान वार्ड न २ का वडाअध्यक्ष रामबहादुर बस्नेत नगरकमिटि सदस्यहरु श्याम चुदाली चेतन खनाल बिष्णु खनाल कमल भट्टराई राष्ट्रिय जनमोर्चाका प्रतिनिधि खुविराम खनाल लगायतको उपस्थिति रहेको थियो ।
श्रद्धाञ्जली कार्यक्रम नेपाल कम्युनिस्ट पार्टी नेकपाका वार्ड न १ का वडाअध्यक्ष बाबुराम खनालको सन्चालनमा सम्पन्न भएको थियो ।
स्वर्गीय खनालाका श्रीमति दुई छोरा तीन छोरी तीन ज्वाइँ एक बुहारी र नातिनातिना हुनुहुन्छ ।
भाद्र २१ गते, २०७७ मा प्रकाशित
