अर्घाखाँचीडट्कम संवाददाता
काठमाडौं । लियो क्लब अफ काठमान्डौ ढिकुराले जुम एपबाट भर्चुअल शेअर मार्केट सेसन सम्पन्न गरेको छ। क्लबले मिति २०७७/०५/२० का दिन बिहान ९ बजे देखि १२:३० सम्म उक्त कार्यक्रम गरेको थियो।
क्लबका सचिव सुदिप राज फुयालले उद्घोषण गरेको कार्यक्रममा लायन क्लब अफ काठमाडौं ढिकुराका अध्यक्ष रामचन्द्र भट्टराई प्रमुख अतिथि हुनुहुन्थ्यो। शेअर मार्केटका बिज्ञ सन्तोस राज बजगाईले तालिम सन्चालन गर्नु भएको थियो। लियो क्लब अफ काठमान्डौ ढिकुराका अध्यक्ष राजन भुसालको सभापतित्वमा भएको कार्यक्रममा Leo District Council 325 B1 का पदाधिकारीहरु सहित उक्त कार्यक्रममा १०० जना सहभागी हुनुभएको थियो।
लियो क्लब अफ काठमान्डौ ढिकुराले युवाहरुलाई समाज सेवाका क्षेत्रमा अगाडि बढाउनुका साथै उनिहरुलाई आफ्नो व्याक्तिगत क्षमता अभिवृद्धि गराउने उद्देश्यले उक्त कार्यक्रम आयोजना गरेको क्लबका अध्यक्ष राजन भुषालले जानकारी गराउनु भयो।
भाद्र २२ गते, २०७७ मा प्रकाशित
