सन्धिखर्कमा १ जना र शितगंगा २ जनाको कोरोना जिते, अर्घाखाँचीमा कोरोना जित्नेको संख्या ३५२ जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाका विभिन्न आईसोलेशनबाट बिहीवारसम्म ३५२ जनाले कोरोना जितेर घर फर्केका छन् । भने ३२ जना उपचाररत छन् ।  जसमा सन्धिखर्क नगरपालिकामा ५७,  जना, शितगंगा नगरपालिकामा ६८,   भूमिकास्थान नगरपालिकामा ११६,   मालारानीमा ६९, पाणिनी गाउँपालिकामा १४ र छत्रदेव गाउँपालिकामा २८ जनाले कोरोनालाई जितेका हुन् । 

अर्घाखाँची जिल्लाको सन्घिखर्क नगरपालिकामा २ जना स्वास्थ्यकर्मी सहित ७ जनामा काेराेना संक्रमण पुष्टि भएकाे स्वास्थ्य कार्यालय अर्घाखाँचीले जनाएको छ । योसँगै संक्रमितको संख्या ३८८  जना पुगेको छ । जसमा सन्धिखर्क नगरपालिकामा ७६  जना, शितगंगा नगरपालिकामा ८०,   भूमिकास्थान नगरपालिकामा १२०,     मालारानीमा ७०,  पाणिनी गाउँपालिकामा १४ र छत्रदेव गाउँपालिकामा २८ जना गरि अर्घाखाँचीमा हालसम्म ३८८ जना संक्रमित रहेका छन् ।     

  

जिल्लामा अहिलेसम्म कोरोनाका कारण ४ जनाको निधन भएको छ । 

यस्तै अर्घाखाँचीमा बिहीवारसम्म  २१९ जना बिभिन्न क्वारेन्टिनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेको थियो भने अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले २१९ जना भएको हो । यस्तै जिल्लाका बिभिन्न क्वारेन्टाईनबाट २ घण्टामा ० जना डिस्चार्ज भएका छन् । यस्तै होम क्वारेन्टिनमा बस्नेको संख्या १०४ जना रहेको छ ।   

  

साथै बिहीवार दिउँसो ३ बजेसम्ममा २४  घण्टामा १९ जना बिभिन्न क्वारेन्टिनमा भित्रिएका छन् । अर्घाखाँचीका ६ वटा स्थानिय ५०  स्थानमा ९०७ वटा बेड सहितको क्वारेन्टिन स्थापना गरि भारत लगायतका ठाउँबाट आएकाहरुलाई क्वारेन्टिनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् । 

बिहीवारसम्म जिल्लाका बिभिन्न स्थानका आईसोलेशनमा ३२ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।