अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । कोरोना मुक्त अर्घाखाँची जिल्लाको मालारानी गाउँपालिकामा पुन: मालारानी गाउँपालिकामा ४ जना थप संक्रमण पुष्टि भएकाे छ । मालारानी गाउँपालिकामा साउन महिनापछि पहिलो पटक संक्रमण फेला परेका हुन् । पाणिनी गाउँपालिका र छत्रदेव गाउँपालिका भने कोरोना मुक्त भएका छन् ।
आईतबार भूमिकास्थान नगरपालिकामा ३ जना र मालारानी गाउँपालिकामा ४ जना थप संक्रमण पुष्टि भएकाे छ । योसँगै संक्रमितको संख्या ३९७ जना पुगेको छ । जसमा सन्धिखर्क नगरपालिकामा ७७ जना, शितगंगा नगरपालिकामा ८०, भूमिकास्थान नगरपालिकामा १२४, मालारानीमा ७४, पाणिनी गाउँपालिकामा १४ र छत्रदेव गाउँपालिकामा २८ जना गरि अर्घाखाँचीमा हालसम्म ३९७ जना संक्रमित रहेका छन् ।
अर्घाखाँचीमा आईतबारसम्म १८२ जना बिभिन्न क्वारेन्टिनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेको थियो भने अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले १८२ जना भएको हो । यस्तै जिल्लाका बिभिन्न क्वारेन्टाईनबाट २ घण्टामा ३९ जना डिस्चार्ज भएका छन् । यस्तै होम क्वारेन्टिनमा बस्नेको संख्या ६२ जना रहेको छ ।
आईतबार सन्धिखर्कमा ११ जनाले कोरोना जितेका छन् । अर्घाखाँची जिल्लाका विभिन्न आईसोलेशनबाट आईतबारसम्म ३६३ जनाले कोरोना जितेर घर फर्केका छन् । भने ३० जना उपचाररत छन् । जसमा सन्धिखर्क नगरपालिकामा ६८, जना, शितगंगा नगरपालिकामा ६८, भूमिकास्थान नगरपालिकामा ११६, मालारानीमा ६९, पाणिनी गाउँपालिकामा १४ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ४ जनाको निधन भएको छ ।
साथै आईतबार दिउँसो ३ बजेसम्ममा २४ घण्टामा ६ जना बिभिन्न क्वारेन्टिनमा भित्रिएका छन् । अर्घाखाँचीका ६ वटा स्थानिय ४७ स्थानमा ९१४ वटा बेड सहितको क्वारेन्टिन स्थापना गरि भारत लगायतका ठाउँबाट आएकाहरुलाई क्वारेन्टिनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
आईतबारसम्म जिल्लाका बिभिन्न स्थानका आईसोलेशनमा ३० जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
आश्विन ४ गते, २०७७ मा प्रकाशित
