अर्घाखाँचीडट्कम संवाददाता
ढिकुरा, अर्घाखाँची । लगातारको भीषण बर्षाका कारण अर्घाखाँची जिल्लाको भुकिकास्थान नगरपालिका वार्ड नं ९ ढिकुराको भुजेलपानीमा पहिरोले ३ वटा गोठ-टहरा बगाएको छ।
बस्ति उच्च-जोखिममा परेर ६ घर अन्यत्र सरेका छन् । नरपानीबाट गएको प्रहरिको उद्दार टोलीले उनिहरुलाई सारेको हो। वार्ड अध्यक्ष नारायण खनालले बताए अनुसार घर सर्नेहरुमा मोहन खड्का सहितका परिवार छन्
यस्तै जिबन झाक्रीको गोठ भत्किएर पाडो छ, मरेको भैसी घाइते भएको उनले बताएका छन् ।
डेवा स्थित सिब बहादुर बि.क.बोम बहादुर बि.क.र माधब गिरिको घर पहिरोले बगाएको र उनिहरुको सिघ्र ब्यबस्थापन गर्नुपर्ने खनालले बताए । उनका अनुसार गच्छे रामपुर सडक अन्तरगत टिमुरेमा पहिरो गएको कारणले सडक पनि अबरुद्ध छ।
आश्विन ८ गते, २०७७ मा प्रकाशित
