खाँचीकोटको भुजुङेका सम्पुर्ण बस्तीलाई स्थानान्तरण गरिने (भिडियो, फोटो फिचर)

पहिरोको उच्च जोखिम भएको भन्दै जिल्ला दैविक प्रकोप उद्दार समितिले यहाँका सबै परिवारलाई अन्यत्र स्थानान्तर गर्न निर्देशन दिएको थियो । जिल्ला प्रशासनमा ०७० पुस २५ मा बसेको बैठकले जोखिमयुक्त क्षेत्रका नागरिकलाई वैकल्पिक ठाउँ पहिचान गरी सुरक्षित बसोवास गर्ने वातवरण सिर्जना गर्न भनको थियो । पहिरोको जोखिम भएका भुजुंगेका पूर्णबहादुर नेपाली, लालकुमारी नेपाली, कृष्णबहादुर नेपाली , भीमबहादुर नेपाली, बिष्णुबहादुर नेपाली, दल्ली नेपाली, बसन्त नेपाली र विन्दु परियारका गरी ८ घरपरिवारका ३६ जनालाई विद्यालयमा बसोबासको व्यवस्था मिलाइएको प्रमुख जिल्ला अधिकारी विष्णु प्रसाद पौडेलले बताए ।

महत्वपूर्ण कागजातहरु आफन्तकोमा राख्न लगाएर आवश्यक सामान बोकेर विद्यालयमा सुरक्षित स्थानमा उनीहरु आएको चन्द्रप्रभा माध्यमिक विद्यालयका शिक्षक तिर्थराज आचार्यले जानकारी दिए । उनीहरुलाई विद्यालयमा सहज तबरले बस्ने वातावरण मिलाइएको छ । वर्षातको समयमा जमिन भासिने क्रम बढेपछि स्थानीय त्रासमा छन् । २०७० सालमा जिल्ला भू-संरक्षण कार्यालयले स्थलगत निरीक्षण गरेर बस्ती बस्न खतरा रहेको प्रतिवेदन जिल्ला दैविक प्रकोप उद्दार समितिलाई पेश गरेको थियो । बस्ती सार्ने विषयमा छलफल भएपनि स्थानीय एकिकृत बस्तीमा सरेर गाउँनै छाडेर जान मानेका थिएनन् ।

अबलोकनमा प्रमुख जिल्ला अधिकारी बिष्णु पौडेल, राष्ट्रिय सभा सदस्य चन्द्र बहादुर खड्का, सन्धिखर्क नगरपालिका प्रमुख कमल प्रसाद भुसाल, उप प्रमुख ठाकुर  बि .क .,रा. ज .मो. जिल्ला अध्यक्ष थम्मन केसी, अखिल नेपाल युवक सँघका जिल्ला कोषाधक्ष  बसन्त खड्का, रा ज मो खाँचिकोटका अध्यक्ष दिलदार हुसेन, अर्घाखाँचीडट्कमका केशवराज ज्ञवाली र केशव घिमिरे, वार्ड सदस्य बिष्णु भुसाल, रामलाल खनाल, बसन्ता केसी र रेडक्रस अर्घाखाँचीका पदाधिकारी, सुरक्षाकर्मि, नेपाली सेना लगायतको बाक्लो उपस्थिति रहेको थियो।