अर्घाखाँची सम्पर्क मञ्च दक्षिण कोरियाद्धारा ठाडाको कोठिया मैदानका पहिरो पिडितका लागि राहत संकलन गर्दै

सिओल  (अर्घाखाँचीडट्कम) ।  अर्घाखाँची सम्पर्क मञ्च दक्षिण कोरियाले अर्घाखाँची जिल्लाको शितगंगा नगरपालिकाको वार्ड नम्बर १२ ठाडाको कोठिया मैदानको जोख्ले गैरा भन्ने टोलका पहिरो पिडितका लागि राहत संकलन अभियान सुरु गरेको छ । 

अविरल वर्षा पछि शुक्रवार पहिरो जाँदा ठाडाको कोठिया मैदानको जोख्ले गैराका ३० घरमा पुर्ण रुपमा क्षति पुगेको र अन्य १९ घर समेत विस्तापित भएको बताईएको छ ।

पिडित परिवारकालागि स्थानिय र प्रदेश सरकारले आवश्यक सहयोग गर्दै आएको भएपनि थप सहयोग गर्ने उद्देश्यले अभियान थालिएको अभियानका संयोजक तथा जिल्ला सम्पर्क मञ्चका अध्यक्ष सुन्दर पन्थीले जानकारी दिए ।

पिडितकालागि तत्काल आवश्यक थोरै भएपनि आर्थिक राहत पुर्याउने उद्देश्यले अभियान सञ्चालन गरिएको अर्का अभियान्ता तथा मञ्चका सल्लाहकार मिन पोख्रेलले बताए । संकलित रकम स्थानिय सरकारसँग समन्वय गरेर एकद्धार प्रणाली मार्फत वितरण गरिने उनले बताए ।

मञ्चले अभियानमा जोडिएर पिडितको सहयोगमा हातेमालो गर्न कोरियामा रहेका सबै नेपालीसँग आग्रह गरेको छ ।

सहयोगकालागि संयोजक पन्थीको उरी बैंकको खाता नम्बर १००२२४५७३९९४०८ मा रकम जम्मा गर्न सकिने बताईएको छ ।

थप जानकारीकालागि संयोजक सुन्दर पन्थी ०१०९५१७८४०६, मिन पोख्रेल ०१०५८६२९०६८ र दिपक खनाल ०१०५९२५९१५१ मा सम्पर्क गर्न सकिने उल्लेख छ ।

रकम जम्मा गरिसकेपछि विवरण स्लिप उपलब्ध गराईदिन मंचले आग्रह गरेको छ ।

अहिलेसम्म संकलन गरिएका सहयोगी दाताहरूको नाम/ रकम(वनमा) यस्तो छ:-