अर्घाखाँचीडट्कम संवाददाता
नुवाकोट, अर्घाखाँची । अर्घाखाँची जिल्लाको भूमिकास्थान नगरपालिकाको नुवाकोटको सडक खण्डमा कालोपत्रे गर्ने काम आजबाट शुरु भएको छ ।
पुरानो बाटो भएपनी स्तर उन्नतिमा केही पछाडी परेको कुर- नुवाकोट -खिल्जी- असुरकोट जैटारी -प्युठान सडकको स्तर उन्नति गर्ने क्रममा भुमिकास्थान नगरपालिकाले सन्धिखर्क नगरपालिका तर्फको सिमाना देखि नुवाकोटसम्म ५ किलोमीटर कालोपत्रे गर्ने काम आजबाट शुरु भएको हो ।
भुमिकास्थान नगरपालिकाको सीमाना सन्धिखर्क नगरपालिका वडा नं. २ को कुर बाँझखर्कबाट नुवाकोटको पोखेडाँडासम्म सडक कालो पत्रे गर्ने काम सुरु भएको भुमिकास्थान नगरपालिकाका नगर प्रमुख रेशम थापाले जानकारी दिनुभयो । नगरपालिकाको आफ्नै बजेटबाट उक्त सडक कालोपत्रे हुन थालेको हो ।
सन्धिखर्कको शंखेटारीदेखि कुर हुँदै भुमिकास्थान नगरपालिकाको सिमा क्षेत्र सम्म पर्ने सन्धिखर्क नगरपालिका क्षेत्रमा पर्ने ५ किलोमीटर सडक खण्डको आगामी वर्षसम्म कालोपत्रे गरिने बताइएको छ ।
आश्विन १३ गते, २०७७ मा प्रकाशित
