अर्घाखाँचीडट्कम संवाददाता
रोकाटोला, अर्घाखाँची । अर्घाखाँची जिल्लाको सन्धिखर्क नगरपालिका वार्ड नम्बर ३ छापडाँडाको रोकाटोलामा उपभोक्ता समितिका अध्यक्षहरुलाई योजना सम्झौता हस्तान्तरण कार्यक्रम सम्पन्न भएको छ ।
सो अवसरमा सन्धिखर्क नगरपालिकाका प्रमुख कमल प्रसाद भुसालले बिकास निर्माणका कामहरु गर्दा सबैले सहयोग गर्नुपर्ने बताउनु भएको छ ।
उपभोक्ता समितिका अध्यक्षहरुलाई वार्डमा पुगेर योजना सम्झौता हस्तान्तरण कार्यक्रममा बोल्दै नगरप्रमुख भुसालले जनतालाई अधिक्तम फाईदा हुनेगरि योजनाहरु वार्डमा पुगेर हस्तान्तरण गरिएको बताउनु भयो ।
कार्यक्रममा नगरपालिकाका प्रमुख प्रशासकिय अधिकृत कृस्न प्रसाद साप्कोटाले सरल सरकार सहज सेवालाई आत्म साथ गरि जनताको काम छिटोछरितो गर्नका लागि कर्मचारीलाई आग्रह गर्दै सिहदरबारको अधिकार गाउँ गाउँमा भन्ने उदेश्य अनुसार नगरपालिकाले सेवा दिनेमा जोड दिनु भयो ।
कार्यक्रममा शाखा अधिकृत मन्जु खनाल ईन्जिनियर प्रमोद केसी योजना शाखाका दिलिप केसी वार्ड सचिब चल्लुराम चौधरी विभिन्न उपभोक्ता समितिका अध्यक्षहरु जनप्रतिनिधिहरुको सहभागितामा भएको कार्यक्रममा वार्ड नम्बर ३ का योजनाहरु सबै वार्डबाट सम्झौता गरिएको थियोे ।
कार्यक्रम लिलाराम गौतमको अध्यक्षतामा सम्पन्न भएको थियोे ।
आश्विन १४ गते, २०७७ मा प्रकाशित
