काठमाडौं, असोज १४ । पछिल्लो २४ घण्टा १५५९ जना कोरोना भाइरस संक्रमित थपिएका छन् ।
यससहित नेपालमा कोरोनाबाट संक्रमितको जम्मा संख्या ७७ हजार ८ सय १७ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा १५५९ जनामा कोरोना संक्रमण पुष्टि भएको बताउनुभयो ।
पछिल्लो २४ घण्टामा १० हजार ८७ जनाको पीसीआर परिक्षण गरिएको छ ।
बुधबार १ हजार ५७ जना कोरोना संक्रमित डिस्चार्ज भएका छन् ।
हालसम्म डिस्चार्ज हुनेको संख्या ५६ हजार ४२८ पुगेको छ ।
हालसम्म देशभर संक्रिय संक्रमितको संख्या २० हजार ८९१ जना छ ।
५ हजार ४ सय २८ जना क्वारेन्टिनमा छन्।
काठमाडौं उपत्यकामा थप ९०२ जना संक्रमित थपिएका छन ।
यी मध्ये काठमाडौं जिल्लामा ६९७, ललितपुरमा ११२ र भक्तपुरमा ९३ जना संक्रमित थपिएका छन ।
पछिल्लो २४ घण्टामा ७ जनाको कोरोना संक्रमणबाट मृत्यु भएको छ ।
योसहित नेपालमा कोरोनाबाट मृत्यु हुनेको संख्या ४९८ पुगेको छ । इमेजखबरमा समाचार छ ।
आश्विन १४ गते, २०७७ मा प्रकाशित
