बिष्णु कुमार आले
ठाडा, अर्घाखाँची असोज २७ । अर्घाखाँचीको शितगंगा नगरपालिका वार्ड नम्बर ४ ठाडाको सानादह नजिकै मंगलबार साँझ ट्याक्सी दुर्घटना हुँदा एक जना महिला सामान्य घाईते भएकी छन् ।
ठाडा अमराईबाट सानदह तर्फ जाँदै गरेकाे लु१च २७६७ नम्बरकाे ट्याक्सीको उकालो सडकमा एक्कासी ब्रेक नलागेपछी अनियन्त्रित भई सडकबाट करिब ६० मिटर तल खसी दुर्घटना हुदा अर्घाखाँची शितगंगा ४ निवासी ३० बर्षिय सीता जिसी सामान्य घाईते भएको ईलाका प्रहरी कार्यालय ठाडाका प्रहरी निरीक्षक बाबुराम बस्नेतले जानकारी दिए ।
ट्याक्सी चालक शितगंगा २ सितापुर निवासी २५ बर्षिय धुर्ब क्षेत्रीलाई केही नभएको प्रहरीले जनाएको छ । घाईते महिलाको स्थानिय मेडिकलमा उपचार भैरहेको जनाईएको छ ।
आश्विन २७ गते, २०७७ मा प्रकाशित
