अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका कोरोना मुक्त भएको छ । यहाँ संक्रमितको संख्या शुन्य भएको छ । यस नगरपालिकामा संक्रमितको संख्या १२४ रहेकोमा १२३ जनाले कोरोना जितेका छन् । भने १ जनाको कोरोनाका कारण मृत्यु भएको छ ।
यस्तै यसअघि छत्रदेव गाउँपालिका कोरोना मुक्त भएको थियो । यहाँ सबै संक्रमित २८ जनाले कोरोनालाई जितेका छन् ।
अर्घाखाँचीमा बुधवारसम्म १३ जना बिभिन्न क्वारेन्टिनमा रहेका छन् । गत जेठ महिनासम्म क्वारेन्टाईनमा बस्नेको संख्या झन्डै ६ हजार पुगेको थियो भने अहिले भारतबाट आउनेको संख्या कमी तथा दैनिक डिस्चार्ज हुनेको संख्यामा बृद्धि हुँदा अहिले १३ जना भएको हो । यस्तै जिल्लाका बिभिन्न क्वारेन्टाईनबाट २४ घण्टामा ६ जना डिस्चार्ज भएका छन् । यस्तै होम क्वारेन्टिनमा बस्नेको संख्या २०९ जना रहेको छ ।
भूमिकास्थान नगरपालिकामा बुधवार १ जनाले कोरोना जितेका छन् । योसँगै अर्घाखाँची जिल्लाका विभिन्न आईसोलेशनबाट बुधवारसम्म ३९६ जनाले कोरोना जितेर घर फर्केका छन् । जसमा सन्धिखर्क नगरपालिकामा ८१ जना, शितगंगा नगरपालिकामा ७८, भूमिकास्थान नगरपालिकामा १२३, मालारानीमा ७३, पाणिनी गाउँपालिकामा १४ र छत्रदेव गाउँपालिकामा २८ जनाले कोरोनालाई जितेका हुन् । भने ९६ जना उपचाररत छन् ।
अर्घाखाँची जिल्लामा संक्रमितको संख्या ४९६ जना पुगेको छ । जसमा सन्धिखर्क नगरपालिकामा १६५, जना, शितगंगा नगरपालिकामा ८६, भूमिकास्थान नगरपालिकामा १२४, मालारानीमा ७५, पाणिनी गाउँपालिकामा १८ र छत्रदेव गाउँपालिकामा २८ जना गरि अर्घाखाँचीमा हालसम्म ४९६ जना संक्रमित रहेका छन् ।
जिल्लामा अहिलेसम्म कोरोनाका कारण ४ जनाको निधन भएको छ ।
साथै बुधवार दिउँसो ३ बजेसम्ममा २४ घण्टामा ० जना बिभिन्न क्वारेन्टिनमा भित्रिएका छन् । अर्घाखाँचीका ६ वटा स्थानिय ३ स्थानमा १३ वटा बेड सहितको क्वारेन्टिन स्थापना गरि भारत लगायतका ठाउँबाट आएकाहरुलाई क्वारेन्टिनमा राख्ने र पिसिआर परिक्षणमा रिर्पोट पोजेटिभ देखिएमा आइसोलेशनमा पठाउने गरेका छन् ।
बुधवारसम्म जिल्लाका बिभिन्न स्थानका आईसोलेशनमा ९५ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
आश्विन २८ गते, २०७७ मा प्रकाशित
