काठमाडौं, असोज २८ । पछिल्लो २४ घण्टामा देशभर २६३८ जना कोरोना संक्रमित पुष्टि भएका छन् ।
स्वास्थ्य मन्त्रालयका प्रवक्ता डा. जागेश्वर गौतमले पछिल्लो २४ घण्टामा २६३८ जनामा कोरोना संक्रमण पुष्टि भएको जानकारी दिनुभयो ।
योसँगै जम्मा कोरोना संक्रमितको संख्या १ लाख १७ हजार ९९६ पुगेको छ ।
पछिल्लो २४ घण्टामा काठमाडौं उपत्यकामा १४०३ जनामा कोरोना संक्रमण पुष्टि भएको छ ।
जसमध्ये काठमाडौंका ९९६ जना, ललितपुरका ३०५ र भक्तपुरको १०२ जना कोरोना संक्रमित थपिएका छन् ।
पछिल्लो २४ घण्टामा १३ हजार ९४७ जनाको पिसिआर परीक्षण भएको छ ।
२४ घण्टामा २ हजार १७४ जना डिस्चार्ज भएका छन् ।
डिस्चार्ज हुनेको जम्मा संख्या ८० हजार ९५४ पुगेको छ ।
सक्रिय संक्रमितको संख्या ३६ हजार ३६७ जना रहेको छन् ।
२४ घण्टामा १२ जनाको कोरोना संक्रमणबाट मृत्यु भएको स्वास्थ्य मन्त्रालयले जनाएको छ ।
नेपालमा कोरोना संक्रमणबाट मृत्यु हुनेको संख्या ६७५ पुगेको छ । इमेजखबरमा समाचार छ ।-
आश्विन २८ गते, २०७७ मा प्रकाशित
