अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका वार्ड नं ७ नुवाकोटको पानडाँडाकी एक विवाहित युवती बेपता भएकी छिन् ।
नुवाकोटको पानडाँडाका धन बहादुर रायमाझीकी २२ वर्षिया नातिनी बुहारी रिना रायमाझी माईती घर सन्धिखर्क नगरपालिका वार्ड नम्बर १० अर्घाबाट ७ दिनदेखि बेपत्ता भएकी हुन् ।
रिना एक सानो छोरी सहित बिगत ढाई बर्षदेखि अर्घा माईतमा बस्दै आएकी थिईन् । रिनाका श्रीमान सुन्दर रायमाझी वैदेशिक रोजगारीको सिलशिलामा दुबैइमा रहेका छन् । रिनाको आफ्नो बच्चालाई छोडेर बेपत्ता भएको एकहप्तासम्म छिमेकी, नातेदार कहाँ खोजी गर्दा फेला नपरेपछि परिवारले प्रहरी लगायत सम्पूर्णमा खोजी गरिदिन अनुरोध गरेका छन् ।
आश्विन २९ गते, २०७७ मा प्रकाशित
