भगवतीको ताराखसेमा रहेको श्री आकास देवी मन्दिरमा सरायँ नाँच नहुने

ताराखसे अर्घाखाँची असोज २९,२०७७ ।  अर्घाखाँची जिल्लाको छत्रदेब गाउँपालिका – ७ भगवतीमा रहेको एतिहासिक धार्मिक श्री आकास देवी मन्दिर ताराखसेमा सरायँ नाँच नहुने भएको छ । 

भगवतीमा रहेको एतिहासिक धार्मिक श्री आकाशदेवी मन्दिर ताराखसेमा कोरोना संक्रमण बढदै गईरहेको भन्दै सरायँ नाँच नहुने भएको हो । 

ताराखसे मन्दिरले जारी गरेको सुचना अनुसार उक्त क्षेत्रमा मेलापर्वको अवधिमा भेला तथा जमघट हुँदा संक्रमण बढ्न सक्ने भन्दै सरायँ मेला, जात्रा, खेलकुद तथा मनोरन्जनात्मक गतिविधिमा प्रतिवन्ध लगाएको छ ।

उता कोरोना संक्रमण बढदै गईरहेको भन्दै अर्घाखाँची जिल्लाभर यो वर्ष दशैंमा  सरायँ मेला गर्न प्रतिवन्ध लगाइएको छ ।

अर्घाखाँची जिल्ला प्रशासन कार्यालयले मंगलबार जारी गरेको आदेश अनुसार अर्घाखाँची जिल्लाभर यो वर्ष दशैंमा हुने सरायँ मेला गर्न प्रतिवन्ध लगाइएको हो । 

यस्तै प्रमुख जिल्ला अधिकारी बिष्णु पौडेलबाट जारी आदेश अनुसार दशैं, तिहारका बेला जात्रा, खेलकुद तथा मनोरन्जनात्मक कार्यक्रम गर्न, गराउन नपाईने । जहाँ सुकै आवतजावत गर्दा २ मिटर दुरी कायम गर्नुपर्ने, भारत, तेस्रो मुलुक तथा जिल्लाबाट आउनेलाई १४ दिन होम क्वारेन्टिनमा बस्नुपर्ने लगायत मापदण्ड अपनाउन भनिएको छ ।