बिष्णु कुमार आले
जलुके, अर्घाखाँची । टिप्परको ठक्करबाट आइतबार दिउँसो अर्घाखाँचीमा १ जनाको मृत्यु भएको छ । दुर्घटनामा परि १ जना गम्भिर घाईते भएका छन् ।
पूर्व पश्चिम राजमार्ग अन्तर्गत अर्घाखाँचीको शितगंगा ८ जलुकेको सातमारामा बिपरित दिशाबाट जादै गरेको रा १ ख २०२१ नम्बरको टिप्परले कालाकाटेबाट भालुवाङ तर्फ जादै गरेका साईकलयात्रीलाई ठक्कर दिदा दाङ जिल्ला गडवा गाउँपालीका वडा नम्बर १ जुराउनी निवासी २७ बर्षीया जमुना कुमालको मृत्यु भएको हो ।
दुर्घटना परि घाईते भएकी जमुनाको लालमटीया स्वास्थ्य चौकी पु्याउने बित्तिकै मृत्यु भएको हो । गम्भिर घाईते भएका मृतकका बावु ५९ बर्षीय बुद्धिराम कुमाललाई थप उपचारका लागि बुटवल पठाईएको सातमारा प्रहरी ईन्चार्ज देब बहादुर केसीले जानकारी दिए ।
ठक्कर दिने टिप्पर चालक भने फरार रहेको प्रहरीले जनाएको छ । टिप्पर भने प्रहरीले नियन्त्रणमा लिएको छ ।
कार्तिक २ गते, २०७७ मा प्रकाशित
