अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको भूमिकास्थान नगरपालिका नगर सदस्य तथा भूमिकास्थान वार्ड नं.४ की वडासदस्य चित्रकला के.सी निधन भएको छ ।
२०७४ सालको स्थानिय निकायको चुनावमा राष्ट्रिय जनमोर्चाको तर्फबाट निर्वाचित चित्रकला के.सीको ६६ बर्षको उमेरमा बुधवार उपचारको क्रममा भैरहवा मेडिकल कलेजमा निधन भएको हो ।
स्व. चित्रकलाका श्रीमान खिम बहादुर के.सी राष्ट्रिय जनमोर्चाका स्थानिय नेता हुनुहुन्छ ।
उता राष्ट्रिय जनमोर्चाका अध्यक्ष थम्मन के.सीले स्व. चित्रकलाको निधनले मर्माहित छौ, उहाँको निधनले सिङ्गो पार्टीलाई अपुरणीय क्षति हुनपुगेको भन्दै शोकाकुल परिवारजनमा समवेदना प्रकट गर्नुभएको छ ।
यस्तै भूमिकास्थान नगरपालिका प्रमुख रेशम थापा, उपप्रमुख खडानन्द बेल्बासेले पनि स्व. चित्रकलाको निधन प्रति समवेदना प्रकट गर्नुभएको छ ।
कार्तिक ७ गते, २०७७ मा प्रकाशित
