केशब ज्ञवाली
पावर/बिक्रमसोता अर्घाखाँची कार्तिक -७ । अर्घाखाँची जिल्लाको शितगङ्गा -१४ पावरमा अबस्थित गङ्गाजल कृषि तथा पशु बिकास महिला सहकारीले किसानहरुका खसी बोका खरिद गरि बिक्रीवितरण गरेको छ।
सहकारिमा आबद्द किसानहरूले पालेका खसी बोका बजार पुर्याउन सहजीकरण गर्दै आएको उक्त सहकारी मार्फत आज कार्तिक ७ गते पनि १४ वटा खसी बोका बिक्री गरिएको गङ्गाजल कृषि तथा पशु बिकास महिला सहकारिका अध्यक्ष सीता लामिछनेले अर्घाखाँची डटकमलाइ बताउनु भयो।
कुल ३२५ के .जि .का ती खसी बोका १६०२८५ रुपैयाँमा खरिद गरि १६३५१५ रुपैयाँमा बिक्रीवितरण गरिएको अध्यक्ष लामिछानेले बताउनुभयो ।
गङ्गाजल कृषि तथा पशु बिकास महिला सहकारिले किसानका उत्पादन बजार पुर्याउन सहजीकरण गर्ने हेतुले एकमुस्ठ रुपमा बिक्रीवितरण गर्दै आइरहेको छ।
कार्तिक ७ गते, २०७७ मा प्रकाशित
