अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा एक जना नयाँ कोरोना संक्रमित थपिएका छन् । यो सँगै जिल्लामा आजसम्म संक्रमितको संख्या ५६६ जना पुगेको छ । जसमा सन्धिखर्क नगरपालिकामा २१८ जना, शितगंगा नगरपालिकामा ९९, भूमिकास्थान नगरपालिकामा १२६, मालारानीमा ७५, पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।
जिल्लाका विभिन्न आईसोलेशनबाट आजसम्म ४५३ जनाले कोरोना जितेर घर फर्केका छन् । जसमा सन्धिखर्क नगरपालिकामा १२५ जना, शितगंगा नगरपालिकामा ८४, भूमिकास्थान नगरपालिकामा १२३, मालारानीमा ७४, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ६ जनाको निधन भएको छ ।
बुधवारसम्म जिल्लाका बिभिन्न स्थानका आईसोलेशनमा १०७ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
कार्तिक ११ गते, २०७७ मा प्रकाशित
