धनचाैरमा स्वास्थ भवन, हेलिप्याड उद्घाटन तथा एम्बुलेन्स हस्तान्तरण कार्यक्रम सम्पन्न (भिडियो र फोटो सहित)

धनचाैर, अर्घाखाँची । अर्घाखाँची जिल्लाको भुमिकास्थान नगरपालिका वार्ड नं. १० धनचाैरमा पुर्ब उपप्रधानमन्त्री तथा संघिय संसद टाेप बहादुर रायमाझीले हेलिकप्टरबाट हेलिप्याड तथा स्वास्थ्य चौकी भवन उद्घाटन गर्नुभएको छ ।

रायमाझीले शनिबार दिउँसो हेलिकप्टरबाट हेलिप्याड तथा स्वास्थ्य चौकी भवनकाे उद्घाटन  गर्नुभएको हो ।

स्वास्थ भवन उद्घाटनका अवसरमा ३ वटा एम्बुलेन्स हस्तान्तरण समेत गरिएको थियो ।    सो अवसरमा भुमिकास्थान १ ढाकावाङ र १० धन्चौर र मालारानी ४ खन स्वास्थ्य चौकीलाई एम्बुलेन्स हस्तान्तरण गरिएको थियो ।  एम्बुलेन्स संसद विकास काेषबाट खरिद हुन् ।

सो अवसरमा  प्रतिनिधिसभा सदस्य तथा पूर्व उप–प्रधानमन्त्री टोपबहादुर रायमाझीले लुम्बिनी प्रदेशको राजधानी भालुवाङ्गलाई कायम गर्न आफुहरुको मुख्य हात रहेको बताउनुभएको छ । अर्घाखाँचीबाट निर्बाचित संघिय तथा प्रदेशसांसदहरुको चलाखीपूर्ण भुमिकाले गर्दानै अर्घाखाँचीलाई पनि समेटेर दाङको भालुवाङ्गमा स्थायी राजधानी भएको सांसद रायमाझीले जिकिर गर्नुभएको छ ।

 धनचौर स्वास्थ्यचौकीको नवनिर्मित भवन उद्घाटन तथा एम्बुलेन्स हस्तान्तरण कार्यक्रमलाई सम्बोधन गर्दै उहाँले यस्तो बताउनुभएको हो । सत्तारुढ नेकपाका प्रभावशाली नेता समेत रहनुभएका संघिय सांसद रायमाझीले भालुवाङमा प्रदेश राजधानी भएसंगै धनचौरसंगै दक्षिणभेल्टको विकासले फड्को मार्ने उद्घोष समेत गर्नभएको छ । “सडकको स्तर उन्नती,स्वास्थ्य र शिक्षा संगै हरेक क्षत्रेमा आमनागरिकले प्रत्यक्ष लाभ लिने गरि विकास हुन्छ”,नेता रायमाझीले भन्नुभयो “सडक तथा पूर्वाधार विकास संगै यस क्षेत्रका जडिबुटि तथा कृषि उपजको बजारीकरणमा सहज हुनेछ ।”एक फरक प्रसंगमा नेता रायमाझीले आफुहरुकै सक्रियतामा मुलुकलाई विकास र समृद्धिको नयाँ युगमा प्रवेश गराएको बताउनुभएको छ । उहाँले भन्नुभयो,“मुलुकमा राजनीतिक क्रान्ति र पूर्वाधार विकास अन्तिम चरणमा आइसकेको छ,अब सामाजिक विकास र समृद्धिको अभियान चलाउनुपर्ने समय आएको छ ।”

---

कार्यक्रममा  राष्ट्रिय सभा सदस्य चन्द्रबहादुर खड्का उज्ज्वल, प्रदेस सभा सदस्य रामजिप्रसाद घिमिरे, प्रमुख जिल्ला अधिकारी बिष्णु पौडेल, नगर प्रमुख रेशम थापा,  नगर उप प्रमुख खडानन्द बेल्बासे, मालारानी गाउँपालिकाका अध्यक्ष बालकृष्ण आचार्य , उपाध्यक्ष प्रमिला क्षेत्री, वडाअध्यक्ष खगेश्वर पन्थी  वडासदस्यहरु टामलाल भट्टराई, जनक लाल गैरे, गङ्गा रेश्मी, हरिकला नेपाली, शुरक्षा निकायका प्रमुख लगायत सर्वसाधारणहरुको उपस्थिती रहेको थियो ।