अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा बिहिबार थप १ जना नयाँ संक्रमित थपिएका छन् । योसँगै आजसम्म संक्रमितको संख्या ५९९ जना पुगेको छ । जसमा सन्धिखर्क नगरपालिकामा २४८ जना, शितगंगा नगरपालिकामा १००, भूमिकास्थान नगरपालिकामा १२७, मालारानीमा ७६, पाणिनी गाउँपालिकामा २० र छत्रदेव गाउँपालिकामा २८ जना संक्रमित रहेका छन् ।
जिल्लाका विभिन्न आईसोलेशनबाट आजसम्म ५२३ जनाले कोरोना जितेर घर फर्केका छन् । जसमा सन्धिखर्क नगरपालिकामा १८२, जना, शितगंगा नगरपालिकामा ९६, भूमिकास्थान नगरपालिकामा १२४, मालारानीमा ७४, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
जिल्लामा अहिलेसम्म कोरोनाका कारण ७ जनाको निधन भएको छ ।
बिहिबारसम्म जिल्लाका बिभिन्न स्थानका आईसोलेशनमा ६९ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
कार्तिक २० गते, २०७७ मा प्रकाशित
