अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नं. ३ ठाडाको ढाडखोलामा साझा पार्टीले अर्घाखाँचीले टोल समिती गठन गरेको छ ।
वार्ड नं. ३ को वडा संयोजक ढुण्डीराज न्यापाने, संगठन विभाग प्रमुख बसन्त सिंह, सूचना संचार विभाग प्रमुख दिपक पौडेल, वडा नं. २ का सल्लाहकार सागर अधिकारीको उपस्थितीमा सम्पन्न भेलाले विष्णु प्रसाद पौडेलको संयोजकत्वमा १३ सदस्यीय टोल समिति गठन गरिएको हो ।
गठित समिकिो सचिवमा गंगा विक, सूचना तथा संचार सीता पौडेल र सल्लाहकार दधिराम पौडेल रहेको पार्टीले जानकारी दिएको छ ।
जसको सदस्यहरुमा दिपक बिक, गंगा विक, प्रेम पौडेल, संगम घिमिरे, पार्वता पौडेल, रमेश पौडेल, सीता पौडेल, अनिषा पौडेल र अन्जु पौडेल रहेका छन् ।
वार्ड नं. ३ कै खसर्कामा बिमला बेल्वासे संयोजक र कमल पौडेल सचिव रहेको टोल समिति यस अघि नै गठन भैसकेको वडा संयोजक ढुण्डीराज न्यापानेले जानकारी दिनुभयो ।
पार्टीले जिल्लाका विभिन्न स्थानहरुमा संगठन निर्माणमा आफ्नो ध्यान केन्द्रीत गरेको पार्टीका नेता हरिप्रसाद भुसालले जानकारी दिनुभयो ।
कार्तिक २० गते, २०७७ मा प्रकाशित
