सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर नं. १२ डिभर्नाको कुसुनेमा घरगोठमा आगलागी हुँदा गोरु, भैसी, बाख्रा जलेर मरेका छन् ।
डिभर्नाको कुसुनेका डम्मर बहादुर मुखिया र ज्ञान बहादुर मुखियाको घरगोठमा आगलागी हुँदा एकहल गोरु, एउटा भैसी, एउटा बाख्रा र एउटा पाडी जलेर मरेका हुन् । भने तीन तोला सुन बीस मुरी जति धान र केही नगद जलेर नस्ट भएको छ ।
रेडक्रस अर्घाखाँची शाखाले बिपदमा परेका दुबै परिवारलाई घरमै पुगी अत्यावश्यक राहत सामग्री हस्तान्तरण गरेकाे छ ।
रेडक्रस डिभर्ना उपशाखा सभापति बाबुराम आचार्यले वडासदस्य तथा उपशाखा सदस्य बाबुराम बस्याल लगायतकाे राेहाेबरमा राहत सामग्री हस्तान्तरण गरेका छाै ।
मंसिर २० गते, २०७७ मा प्रकाशित
