अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड नं- ४ धारापानीका एक पुरुषको कोरोना संक्रमणबाट बुटवलस्थित लुम्बिनी प्रादेशिक अस्पतालमा निधन भएको छ ।
बुटवलस्थित लुम्बिनी प्रादेशिक अस्पतालले जारी गरेको जानकारी अनुसार धारापानीका ४० वर्षीय एक पुरुषको कोरोना संक्रमणबाट मंगलबार राती उपचारका क्रममा निधन भएको हो । जिल्लामा कोरोनाका कारण १२ जनाको निधन भएको छ ।
जिल्लाबाट आजसम्म ६२२ जनाले कोरोना जितेर घर फर्केका छन् । जसमा सन्धिखर्क नगरपालिकामा २७४ जना, शितगंगा नगरपालिकामा १०१, भूमिकास्थान नगरपालिकामा १२५, मालारानीमा ७५, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
यस्तै जिल्लामा आजसम्म संक्रमितको संख्या ६८३ जना पुगेको छ । जसमा सन्धिखर्क नगरपालिकामा ३२२ जना, शितगंगा नगरपालिकामा १०३, भूमिकास्थान नगरपालिकामा १२९, मालारानीमा ७८, पाणिनी गाउँपालिकामा २१ र छत्रदेव गाउँपालिकामा ३० जना संक्रमित रहेका छन् ।
जिल्लामा कोरोनाका कारण १२ जनाको निधन भएको छ ।
बुधवारसम्म जिल्लाका बिभिन्न स्थानका आईसोलेशनमा ४९ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
मंसिर २४ गते, २०७७ मा प्रकाशित
