अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा विवेकशील साझा पार्टी एकताको खुसीयालीमा आज दिप प्रज्वलन गरिएको छ ।
साझा युवा संगठनको आयोजनामा आज साँझ सन्धिखर्क शान्ती बंगैचामा दिप प्रज्वलन गरिएको पार्टीले जानकारी दिएको छ ।
पार्छीका नेता हरिप्रसाद भुसाल, सुरज भुसाल, रविन शाह, अशोक आचार्य, मोहन पुरी लगायतका नेताहरुको उपस्थितीमा दिप प्रज्वलन गरिएको बताइएको छ ।
रविन्द्र मिश्रको अध्यक्षतामा रहेको साझा पार्टी र मिलन पाण्डेको नेतृत्वमा रहेको विवेकशील नेपाली दललले यही २४ गते भर्चुअल रुपमा पार्टी एकताको घोषणा गरेका थिए ।
एकताको खुसीयालीमा आज अर्घाखाँची सहित देशभर एकसाथ दिप प्रज्वलन सहित विविध कार्यक्रमहरु भैरहेका छन् ।
मंसिर २६ गते, २०७७ मा प्रकाशित
