अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा २४ घण्टामा ५ जना नयाँ कोरोना संक्रमित थपिएका छन् ।
योसँगै जिल्लामा आजसम्म संक्रमितको संख्या ६९७ जना पुगेको छ । जसमा सन्धिखर्क नगरपालिकामा ३३३ जना, शितगंगा नगरपालिकामा १०३, भूमिकास्थान नगरपालिकामा १२९, मालारानीमा ७८, पाणिनी गाउँपालिकामा २१ र छत्रदेव गाउँपालिकामा ३३ जना संक्रमित रहेका छन् ।
यस्तै सन्धिखर्कमा २४ घण्टामा १ जनाले कोरोना जितेका छन् । योसँगै जिल्लाबाट आजसम्म ६४० जनाले कोरोना जितेर घर फर्केका छन् । जसमा सन्धिखर्क नगरपालिकामा २८८ जना, शितगंगा नगरपालिकामा १०१, भूमिकास्थान नगरपालिकामा १२५, मालारानीमा ७६, पाणिनी गाउँपालिकामा १९ र छत्रदेव गाउँपालिकामा ३० जनाले कोरोनालाई जितेका हुन् ।
जिल्लामा योसँगै कोरोनाका कारण १२ जनाको निधन भएको छ ।
सोमबारसम्म जिल्लाका बिभिन्न स्थानका आईसोलेशनमा ४५ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
मंसिर २९ गते, २०७७ मा प्रकाशित
