अर्घाखाँचीडट्कम संवाददाता
खनदह, अर्घाखाँची । अर्घाखाँची जिल्लाको मालारानी गाउँपालिकाले आफ्नै पालिकाको उत्कृष्ट चिन्ह (लोगो) बनाउने गुल्मी जिल्लाको रेसुङगा नगरपालिका निबासी आईटिए डिजाईनर ईश्वर बिकलाई सम्मान गरेको छ ।
मालारानी गाउँपालीकाको उत्कृष्ट प्रतिक चिन्ह (लाेगाे) उत्कृष्ट बनाउने गुल्मी निबासी ईश्वर बिकलाई नगद र प्रमाणपत्रले सम्मान गरेको हो ।
गाउँपालीकाका अध्यक्ष बालकृष्ण आचार्य, उपाध्यक्ष प्रमिला क्षेत्री र प्रमुख प्रशासकीय अधिकृत विष्णु घर्तीले एक समारोहबीच बिकलाई सम्मान गर्दैन थप सफलताको शुभकामना दिनु भएको थियोे ।
गत २०७७ कार्त्तिक २ गते आईतवार मालारानी गाउँपालिकाले आफ्नै पालिकाको छुट्टै चिन्ह (लोगो) सार्वजनिक गरेको थियो ।
आबेदकहरु मध्ये गुल्मी जिल्ला रेसुङगा नगरपालिका निबासी आईटिए डिजाईनर ईश्वर बिकले बनाएको लोगो छनोट गरि गाउँपालिकाले सार्बजनिक गरिएको थियो ।
मालारानी गाउँपालिकाले आफ्नै पालिकाको चिन्ह (लोगो) प्रयोगमा ल्याउने भन्दै सर्वसाधारणलाई नमुना पठाउन भन्दै सुचना जारी गरेको थियो । चिन्ह पालिकाको पहिचानलाई समटिएर बनाइएको छ ।
गाउँपालिकाहरुमा आफ्नो पहिचान सहितको लोगो सार्वजनिक गर्ने मालारानी पहिलो हो । गाउँपालिकाले सुचना सार्वजनिक गरेपछि गाउँपालिकामा १८ जना लोगो डिजाईनरहरुले आवेदन दिएको र ३५ वटा लोगो बनाई गाउँपालिकामा पेस गरेका थिए ।
पालिकाको नमुना चिन्ह (लोगो) नमुना असोज १२ गतेसम्म जोसुकैले पनि पठाउन सक्नेछ बताएको थियो । उक्त लोगो छानिएमा लोगो बनाउने व्यक्तिलाई उचित रकमले पुरस्कार प्रदान गरिने उक्त सुचनामा जनाइएको थियो ।
मंसिर ३० गते, २०७७ मा प्रकाशित
