आज सन्धिखर्कमा ७ जना, शितगंगामा १, भूमिकास्थान १, मालारानीमा १ जना संक्रमित थपिए, अर्घाखाँचीमा कोरोना संक्रमितको संख्या ७०७ जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) । अर्घाखाँची जिल्लाको सन्धिखर्कमा २४ घण्टामा ७ जना, शितगंगामा १ जना, भूमिकास्थान १ जना र मालारानीमा १ जना गरी १० जना नयाँ कोरोना संक्रमित थपिएका छन् । 

योसँगै जिल्लामा आजसम्म संक्रमितको संख्या ७०७ जना पुगेको छ । जसमा सन्धिखर्क नगरपालिकामा ३४० जना, शितगंगा नगरपालिकामा १०४,    भूमिकास्थान नगरपालिकामा १३०,    मालारानीमा ७९,   पाणिनी गाउँपालिकामा २१ र छत्रदेव गाउँपालिकामा ३३ जना संक्रमित रहेका छन् ।   

यस्तै सन्धिखर्कमा २४ घण्टामा १ जनाले कोरोना जितेका छन् । योसँगै जिल्लाबाट आजसम्म  ६४० जनाले कोरोना जितेर घर फर्केका छन् ।  जसमा सन्धिखर्क नगरपालिकामा २८८  जना, शितगंगा नगरपालिकामा १०१,    भूमिकास्थान नगरपालिकामा १२५, मालारानीमा ७६, पाणिनी गाउँपालिकामा १९ र छत्रदेव गाउँपालिकामा ३० जनाले कोरोनालाई जितेका हुन् ।

जिल्लामा योसँगै कोरोनाका कारण १२ जनाको निधन भएको छ । 

मंगलबारसम्म जिल्लाका बिभिन्न स्थानका आईसोलेशनमा ५५ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।