प्रेमनारायण आचार्य
वाङ्ला, सन्धिखर्क १ पुस । सन्धिखर्क नगरपालिका वार्ड नम्वर ५ को वार्ड कार्यलय भवन निर्माण गर्न वडा अध्यक्ष राजेन्द्र भुसालले ३ रोपनी जग्गा निशुल्क प्रदान गर्नु भएको छ ।
वडाको बिच भागमा पर्ने ३ रोपनी जग्गा वडा कार्यलय भवन बनाउन जग्गादान गरी उक्त लालपुर्जा आज सन्धिखर्क नगरपाकिलाका नगर प्रमुख कमल प्रसाद भुसाललाई प्रदान गर्नु भएको छ ।
कार्यक्रममा मन्तब्य राख्दै सन्धिखर्क नगरपालिकाका नगर प्रमुख कमल प्रसाद भुसालले वडा कार्यलयको बिच भागमा पर्ने जग्गा नगरपालिकाको वडा कार्यलय भवन बनाउन दिने वडा अध्यक्ष लगायतको परिवारलाई धन्यवाद दिदै उज्वल भविश्यको कामना गर्नु भयो । सबै वडा कार्यलयका आफ्नै भवन निर्माण गर्ने अभियानमा नगरपालिका लागेको जानकारी दिनु भयो ।
सन्धिखर्क नगरपालिकाका नगर उपप्रमुख ठाकुर कुमार बिकले भाडामा बसेका सबै वडा कार्यलयलाई भौतिक रुपमा सुबिधा सम्पन्न बनाउन वडा कार्यलय भवन निर्माण गर्न थालिएको जानकारी दिनु भयो ।
कार्यक्रम सनिधखर्क नगरपाकिलाका शाखा अधिकृत मञ्जु खनालको सञ्चालनमा सम्पन्न भएको थियो ।
पौष १ गते, २०७७ मा प्रकाशित
