अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको सन्धिखर्क नगरपालिकाले नगरपालिका भित्र रहेका विभिन्न बिधालयहरुलाई निशुल्क थर्मल गन अर्थात ज्वरो नाप्ने मेसिन हस्तान्तरण गरेको छ ।
नगरपालिकाका प्रमुख कमल प्रसाद भुसाल र उपप्रमुख ठाकुर कुमार बिकले बिधालयका प्रअहरु लाई थर्मल गन हस्तान्तरण गर्नु भएको हो ।
कार्यक्रममा नगरपालिकाका उपसचिव युगलनारायण बस्याल, शाखा अधिकृत मन्जु खनाल, जनप्रतिनिधिहरु बिधालयका प्रअहरू कर्मचारीहरुको उपस्थितिमा थर्मलगन हस्तान्तरण गरिएको नगरपालिकाका प्रमुख कमल प्रसाद भुसालले जानकारी दिनु भयो ।
नगरपालिकाले कोरोना रोग नियन्त्रणका लागि बिधालयहरुलाई विभिन्न प्रकारका स्वास्थ्य सामाग्रीहरु बितरण गर्दै आएको छ ।
पौष ३ गते, २०७७ मा प्रकाशित
