प्रेम नारायण आचार्य
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिका वार्ड नं ३ खनदहका वडाअध्यक्ष तथा नेपाली कांग्रेस मालारानी गाउँपालिका का सभापती शोभाखर खनालले आफ्नो जन्मदिनको अवसरमा विद्यार्थीहरुलाई स्टेशनरी सामग्री वितरण गर्नु भएको छ।
मालारानी गाउँपालिका वडा नं ३ खनार मा रहेको श्री नर्सरी आधारभूत विद्यालयमा अध्यनरत विद्यार्थीहरुलाई स्टेशनरी सामग्री प्रदान गर्नु भएको छ।
विद्यालय व्यवस्थापन समितिका अध्यक्ष भेषराज खनालको अध्यक्षता, प्रध्नाध्यापक तुल्सीराम खनालको सञ्चालनमा सम्पन्न भएको कार्यक्रममा प्रमुख अतिथि शोभाखर खनाल, विद्यालय व्यावस्थापन समिति सदस्य सान्ता खनाल, विद्यार्थी अभिभावक कमला खनालले मन्तव्य राख्नु भएको थियो। कार्यक्रममा बाबुराम अर्याल, डि वि खनाल , चमेला खनाल, चेतनारायण खनाल लगायतको उपस्थिति रहेको थियो।
यसअघि पनि उहाँले खनदहको कुनाखर्कमा रहेको नवज्योती आधारभुत विद्यालयमा अध्यनरत विद्यार्थीहरुलाइ स्टेशनरी सामाग्री प्रदान गर्नु भएको थियो ।
पौष ५ गते, २०७७ मा प्रकाशित
