सन्धिखर्कमा १८, भूमिकास्थानमा १, मालारानीमा १ जनाले कोरोना जिते, अर्घाखाँचीमा सोमबारसम्म कोरोना जित्नेको संख्या ६५९ जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) ।  अर्घाखाँची जिल्लाको सन्धिखर्कमा १८ जना, भूमिकास्थानमा १ जना, मालारानीमा १ जनाले कोरोना जितेका छन् । यो सँगै जिल्लाबाट आजसम्म  ६५९ जनाले कोरोना जितेर घर फर्केका छन् ।  जसमा सन्धिखर्क नगरपालिकामा ३०६  जना, शितगंगा नगरपालिकामा १०१,    भूमिकास्थान नगरपालिकामा १२६, मालारानीमा ७७, पाणिनी गाउँपालिकामा १९ र छत्रदेव गाउँपालिकामा ३० जनाले कोरोनालाई जितेका हुन् । 

यस्तै जिल्लाको सन्धिखर्कमा २४ घण्टामा ३ जना नयाँ संक्रमित थपिएका छन् ।   

यो सँगै जिल्लामा आजसम्म संक्रमितको संख्या ७१५ जना पुगेको छ । जसमा सन्धिखर्क नगरपालिकामा ३४६ जना, शितगंगा नगरपालिकामा १०५,    भूमिकास्थान नगरपालिकामा १३०,    मालारानीमा ७९,   पाणिनी गाउँपालिकामा २१ र छत्रदेव गाउँपालिकामा ३४ जना संक्रमित रहेका छन् ।   

जिल्लामा योसँगै कोरोनाका कारण १२ जनाको निधन भएको छ । 

सोमबारसम्म जिल्लाका बिभिन्न स्थानका आईसोलेशनमा ४४ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।