सन्धिखर्कमा ११ जनाले कोरोना जिते, अर्घाखाँचीमा मंगलवारसम्म कोरोना जित्नेको संख्या ६७० जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) ।  अर्घाखाँची जिल्लाको सन्धिखर्कमा मंगलवार  ११ जनाले कोरोना जितेका छन् । यो सँगै जिल्लाबाट आजसम्म  ६७० जनाले कोरोना जितेर घर फर्केका छन् ।  जसमा सन्धिखर्क नगरपालिकामा ३१७  जना, शितगंगा नगरपालिकामा १०१,    भूमिकास्थान नगरपालिकामा १२६, मालारानीमा ७७, पाणिनी गाउँपालिकामा १९ र छत्रदेव गाउँपालिकामा ३० जनाले कोरोनालाई जितेका हुन् । 

यस्तै जिल्लामा आजसम्म संक्रमितको संख्या ७१५ जना पुगेको छ । जसमा सन्धिखर्क नगरपालिकामा ३४६ जना, शितगंगा नगरपालिकामा १०५,    भूमिकास्थान नगरपालिकामा १३०,    मालारानीमा ७९,   पाणिनी गाउँपालिकामा २१ र छत्रदेव गाउँपालिकामा ३४ जना संक्रमित रहेका छन् ।   

जिल्लामा योसँगै कोरोनाका कारण १२ जनाको निधन भएको छ । 

मंगलवारसम्म जिल्लाका बिभिन्न स्थानका आईसोलेशनमा ३३ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।