सन्धिखर्कमा ४, शितगंगा १, भुमिकास्थान १, पाणिनी ४, छत्रदेबमा ४ जना नयाँ संक्रमित थपिए, अर्घाखाँचीमा कोरोना संक्रमितको संख्या ७२९ जना पुग्यो (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) ।  अर्घाखाँची जिल्लाको सन्धिखर्क नगरपालीकामा ४ जना, शितगंगा नगरपालीकामा १ जना,भुमिकास्थान नगरपालीकामा १ जना, पाणिनी गाउँपालीकामा ४ जना र छत्रदेब गाउँपालीकामा ४ जना गरी जम्मा १४ जना नयाँ संक्रमित थपिएका छन् ।  

योसँगै जिल्लामा आजसम्म संक्रमितको संख्या ७२९ जना पुगेको छ । जसमा सन्धिखर्क नगरपालिकामा ३५० जना, शितगंगा नगरपालिकामा १०६,     भूमिकास्थान नगरपालिकामा १३१,     मालारानीमा ७९,   पाणिनी गाउँपालिकामा २५,  र छत्रदेव गाउँपालिकामा ३८ जना संक्रमित रहेका छन् ।   

यस्तै जिल्लाबाट आजसम्म  ६७० जनाले कोरोना जितेर घर फर्केका छन् ।  जसमा सन्धिखर्क नगरपालिकामा ३१७  जना, शितगंगा नगरपालिकामा १०१,    भूमिकास्थान नगरपालिकामा १२६, मालारानीमा ७७, पाणिनी गाउँपालिकामा १९ र छत्रदेव गाउँपालिकामा ३० जनाले कोरोनालाई जितेका हुन् ।

जिल्लामा  कोरोनाका कारण १२ जनाको निधन भएको छ । 

बुधवारसम्म जिल्लाका बिभिन्न स्थानका आईसोलेशनमा ४७ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।