प्रेमनारायण आचार्य
छत्रदेव, अर्घाखाँची ९ पुस । अर्घाखाँचीको छत्रदेव गाउँपालिकाको प्रशासकीय भवनको आज शिलान्यास गरिएको छ । न्यायीक ईजलास सहित निर्माण हुन लागेको सुविधा सम्पन्न भवनको आज बैदिक बिधि पुर्बक पुजाआजा गरी छत्रदेव गाउँपालिकाका अध्यक्ष लेखनाथ पोख्रेलले शिलान्यास गर्नु भएको हो ।
भवन निर्माण गर्न जग्गा दान गर्ने जग्गादाताहरुलाई पनि कार्यक्रममा सम्मान गरिएको छ । निशुल्क जग्गादान गर्ने नेपाल रेडक्रस सोसाइटीका केन्द्रीय सदस्य लुम्विनी प्रदेश संयोजक शम्भुप्रसाद पोख्रेलकी श्रीमती प्रभा पोख्रेल, स्थानीय विनीराम पोख्रेल र गोविन्द पोख्रेललाई दोसल्ला, सम्मानपत्र सहित फुलमालाले सम्मान गरिएको हो ।
कार्यक्रममा वडा अध्यक्षहरु प्रकाशराज पन्थी, राजेस पन्थी, तेज प्रसाद खनाल, अशोक श्रेष्ठ, बालकृष्ण श्रेष्ठ, कमल पौडेल, राजकुमार श्रेष्ठ, पालिकाका कार्यपालिका सदस्य, गाउँ सभा सदस्य , पत्रकार प्रेमनारायण आचार्य, सुरज रायमाझि लगायतको उपस्थिति रहेको थियो ।
उहाँहरुलाई गाउँपालिकाका अध्यक्ष लेखनाथ पोख्रेल, उपाध्यक्ष तुल्सादेवी श्रेष्ठ र प्रमुख प्रशासकीय अधिकृत पवन अर्यालले सम्मान गर्नु भएको हो ।
पौष ९ गते, २०७७ मा प्रकाशित
