अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकामा ६ जना र छत्रदेव गाउँपालिकामा ३ जना गरी आज ९ जनाले कोरोना जितेका छन् ।
योसँगै जिल्लाबाट आजसम्म ६७९ जनाले कोरोना जितेर घर फर्केका छन् । जसमा सन्धिखर्क नगरपालिकामा ३२३ जना, शितगंगा नगरपालिकामा १०१, भूमिकास्थान नगरपालिकामा १२६, मालारानीमा ७७, पाणिनी गाउँपालिकामा १९ र छत्रदेव गाउँपालिकामा ३३ जनाले कोरोनालाई जितेका हुन् ।
यस्तै जिल्लामा आजसम्म संक्रमितको संख्या ७३६ जना पुगेको छ । जसमा सन्धिखर्क नगरपालिकामा ३५२ जना, शितगंगा नगरपालिकामा १०६, भूमिकास्थान नगरपालिकामा १३१, मालारानीमा ७९, पाणिनी गाउँपालिकामा ३०, र छत्रदेव गाउँपालिकामा ३८ जना संक्रमित रहेका छन् ।
जिल्लामा कोरोनाका कारण १२ जनाको निधन भएको छ ।
शुक्रबारसम्म जिल्लाका बिभिन्न स्थानका आईसोलेशनमा ४५ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
पौष १० गते, २०७७ मा प्रकाशित
