अर्घाखाँचीमा आजसम्म कोरोना जित्नेको संख्या ६७९ जना, १२ जनाको निधन (सम्पूर्ण विवरण सहित)

सन्धिखर्क, अर्घाखाँची  (अर्घाखाँचीडट्कम) ।  अर्घाखाँची जिल्लाबाट आजसम्म  ६७९ जनाले कोरोना जितेर घर फर्केका छन् ।  जसमा सन्धिखर्क नगरपालिकामा ३२३  जना, शितगंगा नगरपालिकामा १०१,    भूमिकास्थान नगरपालिकामा १२६, मालारानीमा ७७, पाणिनी गाउँपालिकामा १९ र छत्रदेव गाउँपालिकामा ३३ जनाले कोरोनालाई जितेका हुन् । 

यस्तै जिल्लामा आजसम्म संक्रमितको संख्या ७३६ जना पुगेको छ । जसमा सन्धिखर्क नगरपालिकामा ३५२ जना, शितगंगा नगरपालिकामा १०६,     भूमिकास्थान नगरपालिकामा १३१,     मालारानीमा ७९,   पाणिनी गाउँपालिकामा ३०,  र छत्रदेव गाउँपालिकामा ३८ जना संक्रमित रहेका छन् ।    

जिल्लामा  कोरोनाका कारण १२ जनाको निधन भएको छ । 

शनिबारसम्म जिल्लाका बिभिन्न स्थानका आईसोलेशनमा ४५ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।