अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाबाट आजसम्म ६७९ जनाले कोरोना जितेर घर फर्केका छन् । जसमा सन्धिखर्क नगरपालिकामा ३२३ जना, शितगंगा नगरपालिकामा १०१, भूमिकास्थान नगरपालिकामा १२६, मालारानीमा ७७, पाणिनी गाउँपालिकामा १९ र छत्रदेव गाउँपालिकामा ३३ जनाले कोरोनालाई जितेका हुन् ।
यस्तै जिल्लामा आजसम्म संक्रमितको संख्या ७४३ जना पुगेको छ । जसमा सन्धिखर्क नगरपालिकामा ३५६ जना, शितगंगा नगरपालिकामा १०६, भूमिकास्थान नगरपालिकामा १३१, मालारानीमा ८०, पाणिनी गाउँपालिकामा ३०, र छत्रदेव गाउँपालिकामा ४० जना संक्रमित रहेका छन् ।
जिल्लामा कोरोनाका कारण १३ जनाको निधन भएको छ ।
सोमबारसम्म जिल्लाका बिभिन्न स्थानका आईसोलेशनमा ५१ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
पौष १३ गते, २०७७ मा प्रकाशित
