बिष्णु कुमार आले
गोरुसिङ्गे / अर्घाखाँची (अर्घाखाँचीडट्कम) । कपिलवस्तुको गोरुसिङ्गेमा टिप्परले मोटरसाइकललाई ठक्कर दिदा अर्घाखाँची जिल्लाको शितगंगा नगरपालिका वार्ड नं. ९ सिद्धाराकी एक युवतीको मृत्यु भएको छ ।
टिप्परले मोटरसाइकललाई ठक्कर दिदा सिद्दाराकी अन्दाजी २४ बर्षिय निशा बिकको घटनास्थलमै मृत्यु भएको हो ।
दुर्घटनामा परि एक जना गम्भीर घाईते भएका छन् । पुर्वबाट पश्चिम जाँदै गरेको लु १ ख ७३०७ नम्बरको टिप्परले बिपरित दिशाबाट आउदै गरेको लु ५ प ९६३१ नम्बरको मोटरसाइकललाई कपिलवस्तुको गोरूसिङगे नजिकै तौलिहवा जाने चोकमा बुधबार साँझ (अहिले भर्खरै ) ठक्कर दिदा मोटरसाइकलको पछाडी सवार गरेकी बिकको ज्यान गएको ईलाका प्रहरी कार्यालय गोरूसिङगेका प्रहरी निरिक्षक कृष्ण रानामगरले जानकारी दिए ।
दुर्घटनामा मोटर चालक सिद्धाराका बम बहादुर बिक गम्भीर घाईते भएका छन् ।
घाईते बिकको थप उपचारको लागि बुटवल पठाईएको र ठक्कर दिने टिप्पर चालक र टिप्परलाई नियन्त्रणमा लिएको गोरूसिङगे प्रहरीले जनाएको छ ।
पौष १५ गते, २०७७ मा प्रकाशित
